Qədim zamanlardan bəri insanlar hələ kirəmit və metal kimi dam örtüklərini kəşf etmədikləri zamanlarda qamış dam örtüklərindən istifadə edirdilər. Elmin və texnikanın inkişafı sayəsində kirəmit, metal, mis, alüminium kimi dam örtükləri qamış dam örtüklərini əvəzləməyə başladı. Amma 21-ci əsrdə eqzotika sevən insanlar yenidən qamış dam örtüklərinə önəm verməyə başlayıblar.
Qamış mövcud olan bütün dam örtükləri arasında ekoloji cəhətdən ən təmiz material hesab olunur. Bu cür dam örtükləri yenidən dəbə minməyə başlayanda daha çox restoran, otel və digər binaların sahibləri istəfadə edirdilər ki, bizneslərinə əyalət üslubunda retro görünüş bəxş etsinlər. Son zamanlar isə qamış dam örtüklərinə dünyada tələbat daha da çoxalıb. Bunun səbəbi çox ola bilər. İnsanların gözü ənənəvi dam örtüklərindən yorulub və yeniliklər axtarırlar. Səbəbin nə olmasından asılı olmayaraq, bizim işimiz insanlarımızın bu istəklərini təmin etməkdir.
Qamış dam örtüyünün özəllikləri
Ekstravaqant görünüşü ilə yanaşı qamış dam örtükləri, həmçinin aşağıdakı xüsusiyyətlərə sahibdir:
• Yayın qızmar günəşinə və qışın soyuq şaxtasına, leysan yağışlara və küləyə qarşı dözümlüdür.
• Elastik materialı istənilən memarlıq üsulubunda hazırlanmış binalara uyğun ola bilər.
• Təbii havalandırma xüsusiyyətinə malikdir.
• Uzun ömürlüdür.
İstifadə olunduğu sahələr
Müasir dövrdə qamış dam örtükləri daha çox söhbətgahlar, hamamlar, kiçik restoranlar, otellər və motellərdə istifadə edilir. Bununla yanaşı, son illər qamış ilə örtülmüş fərdi evlər də inşa olunmağa başlayıb.
Avropada bu gün ekologiyaya və təbiiliyə diqqətlə yanaşırlar. Elə bu səbəbdəndir ki, son dövrlər Almaniya, Hollandiya, Belçika və Avstraliya kimi ölkələrdə qamış dam örtükləri sürətlə populyarlıq qazanır. Qeyd olunan ölkələrdə ekoloji cəhətdən təmiz olan bu materiala üstünlük verilir.
Başqa dam örtüklərindən fərqli olaraq qamış dam örtükləri yayda sərinlik, qışda isə istilik ab-havası yaradır. Qamış ilə örtülmüş evin içində özünüzü tam səssizlikdə hiss edəcəksiniz. Çünki qamış dam örtükləri yağışın damlalarının səsini içəri buraxmır.
Qamış dam örtükləri vurulmuş evlərdə ildırımdan da qorxmaq lazım deyil. Çünki qamış dam örtükləri statik elektrik enerjisini özünə çəkmir.